كنز تطوير الآعمال

كنز تطوير الآعمال

تعالو نبدء خطوة خطوة كدة في مجال

ال Business Development ” تطوير الأعمال “

#البوست_ده_كنز هيكون فيه خلاصة المجال بالنسبة ل أي فرد حابب يتخصص في مجال ال BD

البوست ده طويل شوية ولكن ربنا يعلم أنا تعبت اد ايه عشان اقدر اجمع اكتر التساؤلات شيوعٱ لفايدة اكبر عدد من الناس المهتمة بالمجال و أن شاء الله تكونوا Business Developers واشوفكم ناجحين في طريقكم المهني ويكون شرف ليا أني ربنا استخدمني كسبب لإضافة معلومة أفدتكم

أولآ :- يعني ايه Business Developer ؟

** ببساطة كدة هو شخص عنده من العلم والخبرة والابداع ما يكفي لتطوير الشركة / المنظمة اللي بينتمي لها ، وبيكون عنده ميزة أنه شايف اللي غيره مش شايفه أو بمعني اصح شايف الموضوع بطريقة مختلفة يقدر يستغلها لخلق سوق جديد او مصدر دخل جديد للشركة

** لازم يكون عنده علم كبير ومعرفة عن #البيزنس #ريادة_الاعمال #الادارة #المبيعات #التسويق بشكل عام وخاص

” الأرض الصلبة للمطور الأعمال “

ثانيٱ:- يعني ايه Business Development ؟

** قسم بيكون موجود في الشركات الMaultinational بشكل أكبر من الشركات الInternational ، ولكن أصبح وجوده ضروري حاليٱ لاي شركة تهدف للبقاء في السوق لتكون قادرة علي المنافسة والتطور والتوسع

** هو مجال مرتبط بعلم ” التسويق + المبيعات “

– كل ما خبراتك ومهاراتك زادت في المجالين دول كل ما هتكون BD شاطر اكتر وعارف بتعمل ايه بالظبط

ثالثٱ:- ايه الكلية/ التخصص اللي يخليني BD ؟

** مبدايٱ كدة لازم نكون عارفين معلومة في غاية البساطة وهي اني ال Business Developer بيكون اختصاره ” BD “

” ذكرتها عشان متهوش معايا “

** المجال ده ملوش كلية أو تخصص ، لاني ببساطة اي حد ممكن يكون BD علي حسب علمه بطبيعة الصناعة اللي شغال فيها

#مثال (1) :-

– لو حضرتك شغال في مجال العقارات تقدر تكون فيه BD عادي جدٱ ، ولكن ده اكيد يعتمد علي مدي علمك وخبرتك في هذا المجال بالإضافة لطبيعة شخصيتك ( مبتكر ومبدع , متفاوض شاطر ، مرن … ) بغض النظر عن تخصصك الأكاديمي ..

#مثال (2) :-

– لو حضرتك شغال في مجال التكنولوجيا المعلومات تقدر تشتغل عادي ك BD ، ولكن يعتمد علي مدي مهاراتك وخبرتك في هذا المجال بالإضافة لطبيعة شخصيتك بغض النظر عن تخصصك الأكاديمي ..

#ملحوظة_هامة :-

– مينفعش يكون في BD في مجال العقارات يقرر أنه يعمل فجأة شيفت كرير في مجال الصناعة وليس الوظيفة ويكون BD في مجال التكنولوجيا مثلا ! ..

” ممكن في حالة العلم والخبرة الكافية – نسبة وتناسب ولكن نادرٱ ما يحدث وبالتالي النادر لايقاس عليه “

رابعٱ:- ما هي مهام ال BD في الشركة / المنظمة ؟

1) عمل و تطوير خطة النمو للشركة

2) إدارة العلاقات مع ” العملاء الحاليين و المحتملين “

3) زيادة قاعدة العملاء للشركة

4) كتابة الBusiness Proposal

5) التفاوض مع المستثمرين

6) البحث عن نقاط قوة الشركة واحتياجات العملاء ، واستخدامها لسد احتياجات العملاء

7) البحث عن فرص استثمارية للنمو في السوق وزيادة الRevenue Model

متابعة ال Industry Trends

9) تقرير عن الجوانب الناجحة في الشركة والجوانب التي تحتاج للتطوير

خامسٱ:- تفاصيل اكتر عن ال BD ؟

** يطلق عليه ” صانع الفرص ” أو ” الجوكر “

لقدرته علي خلق ميزة تنافسية في السوق عن المنافسين أو ابتكار شئ لم يخطر علي بال احد من قبل

** شغله مبني علي باقي اقسام الشركة بشكل كبير

– مش هيقدر يحط خطة مناسبة للشركة من غير ما يعرف الميزانية المتاحة كام مع #المحاسب

– مش هيقدر يسوق والا يبيع منتج / خدمة من غير التنسيق مع قسم التسويق والمبيعات و سلاسل التوريد لعدم حدوث تضارب أو التخطيط بناءٱ علي افتراضات خاطئة أو سياسات لا تتبعها الشركة

– وظيفة غير روتينية نهائيٱ ، ولكن بيكون عليك مسئولية كبيرة وده معظم الوقت بيسب ضغط نفسي عليك لووانت شخص غير منظم في حياتك

سادسٱ:- اهم مهارات ال BD اللي اشتغل عليها ؟

#المهارات_الوظيفية :-

1) التسويق ادرسه واقرأ عنه كتير

2) المبيعات ادرسها واشتغلها اكتر بنفسك

3) إدارة العمليات ادرسها وافهم ال Know How

4) العلاقات العامة ادرسها وتطوع في نشاط ما

5) تحليل البيانات ادرسها وجرب كتير فيها ” اساسيات “

#المهارات_الشخصية :-

1) فن التفاوض 2) فن الرد. 3) فن الاستماع

3) إدارة الوقت 5) إدارة الأولويات

6) التحكم في النفس 7) التعلم الذاتي

التحفيز الذاتي. 9) العمل الجماعي

10) العرض والتقديم. 11) التخطيط والتنفيذ والمتابعة

سابعٱ:- الوصف الوظيفي لل BD ؟

ملف الPDF اول كومنت

ثامنٱ:- ليه في مصر ال BD بيكون Sales ؟!

** ببساطة لاني معظم الشركات ليس عندها علم كافي عن طبيعة عمل ال BD وبالتالي بيجذب أفراد بالمسمي الوظيفي لعمل نفس مهام ال Sales !

** السبب الآخر أني في فعلآ علي الBD جزء #Sales ولكن يترواح ما بين ال 20٪ : 30 ٪ حسب كل شركة

** ال BD وظيفة #نتائجها_طويلة_المدي = معظم الشركات المحلية وال#Startup تنتظر عند تعيين الBD نتائج قصيرة المدي ولو عندهم صبر بينتظروا نتائج متوسطة المدي

” هاااااااام جدٱااااااا “

تاسعٱ:- ايه مسميات الترقي الوظيفي في هذا المجال ؟ وهل يعتمد علي عدد سنوات خبرة معينة ؟

1) Business Development Manager

2) Business Development Associate

3) Business Developer ” International “

4) Business Development Representative

5) Business Development officer

** تختلف الترقية علي حسب الشخص والشركة وعلي إنجازاته وعلاقته مع اللي حوليه وسمعته طبعٱ

” حمل ملف ال PDF التفاصيل اكتر عن ال BD “

” اول كومنت في البوست “

عاشرٱ:- ايه المصادر اللي اقدر اتعلم منها BD بأحترافية ؟

دي افضل المصادر اللي عن تجربة شخصية :-

1) ويب سايت BD School

2) مدونة ANDREW DUMONT

– مقال عن Role of Business Development at a Startup

– مقال عن The Difference Between Sales & BD

3) افضل كورسات علي Lynda عن الBD

4) كورسات عن ال BD من موقع Coursera

5) تقدر تبدء بكورس المحاضر نديم بركات علي موقع #المنتور … ولكن لو تخصصك Marketing Specialist أو عندك معلومات كتير عن :-

– Postioning Matrex

– Boston Matrex

– Partnerships

– PLC ” Product Life Cycle “

– Products Types

– Offering Types

فلا انصح بأخذه توفيرٱ #لوقتك #فلوسك #مجهودك في كورس اخر، ولكن كخطوة بداية كويسة جدٱ ولن تضرك في شئ

في النهاية أتمني أن أكون وفقت في توضيح الطريق اكتر في مجال الBD بطريقة سهلة وبسيطة

لو عجبك المقال متنساش تعمل #شير لإفادة غيرك

ولو محتاج / ة اي استفسار او مساعدة تواصل معايا أي وقت

المصدر: Linkedin

شارك المقال مع أصدقائك على السوشيال ميديا

م. أحمد السيد

قائد الفريق و مدير المشروعات

برنامج إدارة العيادات الطبية

تطبيق موبايل إدارة الإستشارات الطبية الأونلاين

انتقل إلى أعلى